Mumbai Rain Alert | मुंबईसह उपनगरात 4 दिवस ऑरेंज अलर्ट जारी

मुंबईतील अनेक भागाच पावसाला सुरुवात झाली आहे.  महाराष्ट्रातील अनेक ठिकाणी मान्सून पुन्हा सक्रीय झाला आहे. त्यामुळे पुढील चार दिवस मुंबईत अनेक ठिकाणी मुसळधार व अतिमुसळधार पाऊस पडणार असून भारतीय हवामानशास्त्र विभागाने (आयएमडी) याबाबत आज अ‍ॅलर्ट जारी केला आहे. कोकण आणि मध्य महाराष्ट्रासाठी पुढील पाच दिवस ‘रेड अ‍ॅलर्ट’ जारी करण्यात आला आहे, तर मुंबई शहर व उपनगरासाठी चार दिवस ‘ऑरेंज अ‍ॅलर्ट’ जारी केला आहे. गेले दोन-तीन दिवसांपासून मुंबई शहरात पावसाची रिपरिप सुरू आहे. मात्र आता जोर वाढणार असल्याचे भाकीत हवामान खात्याने केला आहे.