India Alliance PC : आम्ही लढणार, जिंकणार आणि लोकशाही वाचवणार इंडिया आघाडीचा निर्धार

इंडिया आघाडीने आयोजित केलेल्या पत्रकार परिषदेत ज्ञानेश कुमार यांच्या तातडीच्या राजीनाम्याची जोरदार मागणी करण्यात आली आहे. पश्चिम बंगालच्या मुख्यमंत्री ममता बॅनर्जी यांनी ज्ञानेश कुमार यांनी एका क्षणासाठीही पदावर राहू नये, अशी भूमिका घेतली. त्यांना चोर आणि डाकू संबोधत, ज्ञानेश कुमार चोर आणि डाकू असल्याचे सिद्ध झाले असल्याचा दावा बॅनर्जी यांनी केला. ज्ञानेश कुमार यांना हटवले नाही, तर तीव्र आंदोलन छेडण्याचा इशाराही इंडिया आघाडीने दिला आहे.

आघाडीच्या नेत्यांनी आम्ही लढणार, जिंकणार आणि लोकशाही वाचवणार, हे आमचं वचन असा निर्धार व्यक्त केला. या संदर्भात, ६ ऑक्टोबर रोजी इंडिया आघाडीचे खासदार निवडणूक आयोगावर मोर्चा काढणार आहेत. तर, २ ते ८ ऑक्टोबर या कालावधीत देशभरात जिल्हा पातळीवर मोर्चे आयोजित केले जातील. तसेच, संपूर्ण देशात पाच ठिकाणी इंडिया आघाडीच्या वतीने मोठ्या रॅली काढण्यात येणार आहेत. काँग्रेस अध्यक्ष मल्लिकार्जुन खरगे यांनी सर्व निवडणुका बॅलेट पेपरवर घेण्याची मागणी यावेळी केली.