Loco Pilot Surekha Yadav : भारताच्या पहिल्या महिला लोको पायलट सुरेखा यादव निवृत्त, 36 वर्षांच्या कारकिर्दीत कोण-कोणत्या ट्रेन चालवल्या?

आशियातील पहिल्या महिला लोकोपायलट सुरेखा यादव या 36 वर्षांच्या सेवेनंतर निवृत्त झाल्या आहेत. 1988 मध्ये भारतीय रेल्वे सेवेत रुजू झाल्यापासून सुरेखा यादव यांनी अनेक गाड्या चालवल्या आहेत. डेक्कन क्वीन आणि वंदे भारत यासारख्या प्रसिद्ध एक्स्प्रेस गाड्यांचे संचालन त्यांच्या कारकिर्दीचा एक महत्त्वाचा भाग राहिला आहे. त्यांच्या निवृत्तीने रेल्वे क्षेत्रात एका युगाचा समारोप झाला आहे. त्यांच्या दीर्घ आणि यशस्वी कारकिर्दीबद्दल त्यांचे सहकारी आणि रेल्वे प्रशासन अभिमान व्यक्त करत आहे.  1988 मध्ये सुरेखा यादव यांनी पहिली मालगाडी चालवली. 2000 मध्ये त्या ‘फर्स्ट लेडी ड्रायव्हर’ बनल्या, ज्यांनी ‘मुंबई लोकल’ चालवली. तर 2023 मध्ये त्यांनी मुंबई-सोलापूर दरम्यान धावणारी ‘वंदे भारत एक्सप्रेस’ चालवून एक नवीन विक्रम प्रस्थापित केला.