विरोधी पक्षाचे लोक वोट जिहादमुळे निवडून आले; किरीट सोमय्यांचा आरोप

किरीट सोमय्या यांनी नुकत्याच झालेल्या निवडणुकांमध्ये विरोधी पक्ष व्होट जिहादमुळे निवडून आल्याचा गंभीर आरोप केला आहे. या पार्श्वभूमीवर, भारतीय जनता पक्षाने महाराष्ट्रात 1 एप्रिलपासून मतदार यादी शुद्धीकरण अभियान सुरू करण्याची घोषणा केली आहे. या अभियानाअंतर्गत, राज्यातील मतदार यादीतील अपात्र आणि बोगस मतदारांची नावे वगळण्यात येतील. भाजपच्या मते, महाराष्ट्राच्या मतदार यादीत 50 लाखांहून अधिक अपात्र किंवा बोगस मतदार आहेत, ज्यात बांगलादेशी आणि रोहिंग्या घुसखोरांचा समावेश आहे. मालेगावमध्ये 4 हजार 400 तसेच अमरावती, अकोला, सिल्लोड आणि संभाजीनगर यांसारख्या अनेक ठिकाणी बोगस जन्म प्रमाणपत्रांच्या आधारे मतदार नोंदणीचे प्रयत्न उघड झाले आहेत. या सर्व ठिकाणी हजारोंनी जन्म प्रमाणपत्रे रद्द करण्यात आली आहेत. भाजप या घुसखोरांची नावे मतदार यादीतून हटवण्यासाठी कटीबद्ध आहे.