Ladki Bahin Yojana : ‘या’ महिलांना आता लाडक्या बहिणीचे 1500 रूपये बंद, आदिती तटकरेंची मोठी माहिती काय?

महाराष्ट्रात गेल्या विधानसभा निवडणुकीच्या तोंडावर महायुती सरकारने महिलांसाठी एक योजना जाहीर केली होती. या योजनेचं नाव मुख्यमंत्री लाडकी बहीण योजना असून ती गेमचेंजर ठरली होती. मात्र मुख्यमंत्री लाडकी बहीण योजनेसंदर्भात एक मोठी माहिती समोर आली आहे. लाडकी बहीण योजनेचा लाभ घेतलेल्या सरकारी कर्मचाऱ्यांचा लाभ बंद करण्यात आला असल्याची माहिती महिला आणि बाल विकास मंत्री आदिती तटकरे यांनी दिली. यासंदर्भात आदिती तटकरे यांनी लेखी उत्तर दिलंय. २ हजार २८९ सरकारी महिला कर्मचाऱ्यांनी पात्र नसताना लाडकी बहीण योजनेचा लाभ घेतला होता. याच सरकारी कर्मचाऱ्यांचा लाभ आता बंद करण्यात येणार असल्याचे लेखी स्वरूपात आदिती तटकरे यांनी सांगितले.

दरम्यान, सरकारी कर्मचारी असून पात्र नसताना मुख्यमंत्री लाडकी बहीण योजनेचे तब्बल ३ कोटी ५८ लाख रूपये महिलांनी लाटले होते. ही माहिती समोर येताच सरकारी कर्मचारी असलेल्या लाडक्या बहिणींकडून हा सगळा पैसा वसुल करण्यात येणार  असल्याचे तटकरे यांनी सांगितले होते.