Sanjay Shirsat Warns BJP: महायुतीत तणाव, भाजप-शिंदेंच्या शिवसेनेत पुन्हा भडका: कार्यकर्ता फोडाफोडीवरून शिरसाटांचा थेट भाजपला इशारा

नगरपालिका निवडणुका संपल्यानंतर भाजप आणि शिंदेंच्या शिवसेनेत पुन्हा तणाव निर्माण झाला आहे. भाजपचे प्रदेशाध्यक्ष रवींद्र चव्हाण यांच्या कार्यपद्धतीमुळे हा वाद वाढला असून, शिंदे गटाने गंभीर आरोप केले आहेत. शिंदे गटाचे नेते संजय शिरसाट यांनी भाजपला थेट इशारा दिला आहे की, जर कार्यकर्त्यांची फोडाफोडी थांबली नाही तर आगामी निवडणुका स्वतंत्रपणे लढण्याची वेळ येईल. ठाणे जिल्ह्यात भाजपमध्ये शिंदेंच्या शिवसेनेतून इनकमिंग सुरू असल्याचा आरोप आहे. कल्याण ग्रामीणचे उपतालुका प्रमुख विकास देसले आणि सदानंद थरवळ यांचा मुलगा अभिजित थरवळ यांना भाजपने प्रवेश दिल्याने हा वाद उफाळला. या प्रकारामुळे रवींद्र चव्हाण यांच्यावर युतीत फूट पाडण्याचा आणि महायुतीचे वातावरण बिघडवण्याचा आरोप करण्यात येत आहे. महायुतीमधील हा तणाव आगामी निवडणुकांवर परिणाम करण्याची शक्यता आहे.