फडणवीस मांडणार राज्याचा अर्थसंकल्प; महाराष्ट्राच्या आर्थिक पाहणी अहवाल काय?

मुख्यमंत्री देवेंद्र फडणवीस आज दुपारी दोन वाजता महाराष्ट्राचा अर्थसंकल्प मांडणार आहेत. अजित दादांच्या निधनानंतर अर्थखात्याची जबाबदारी मुख्यमंत्र्यांकडे आल्यामुळे तेच हा अर्थसंकल्प सादर करतील. राज्याच्या सर्वांगीण विकासाला चालना देणारा हा अर्थसंकल्प असेल असे म्हटले जात आहे.

अर्थसंकल्पाची तयारी पूर्ण झाली असून, दादांशिवाय महाराष्ट्राच्या अर्थसंकल्पाची कल्पना करणेही कठीण आहे आणि त्यांची आठवण येत असल्याचेही नमूद करण्यात आले. माननीय मुख्यमंत्री महोदयांनी आणि दोन्ही उपमुख्यमंत्र्यांनी विकसित महाराष्ट्र २०४७ चे स्वप्न पाहिले आहे. या उद्दिष्टपूर्तीसाठी काम सुरू आहे. विधिमंडळात अनेक वर्षांचा अनुभव असलेल्या मुख्यमंत्र्यांनी अर्थसंकल्पासाठी मंत्रालयात थांबून, रात्री उशिरापर्यंत सर्व फायली तपासल्याचे दिसून आले. हा त्यांचा दुसरा अर्थसंकल्प असून, राज्याच्या आर्थिक परिस्थितीतून उत्पादक स्वरूपाची कामे साकारण्यावर भर दिला जाईल.