ठाकरेंचा दगाबाजी करायचा संकल्प, पण संधी मिळाली नाही; भाजप नेत्याचं मोठं विधान

सध्या राज्याभरात विधान परिषद निवडणुकीचे वारं वाहत आहे. शिवसेना ठाकरे गटाकडून अंबादास दानवे यांना बुधवारी विधान परिषदेची उमेदवारी जाहीर झाल्यानंतर काँग्रेसदेखील उमेदवार देईल, असं सांगितलं जात होतं. मात्र, आता प्रदेशाध्यक्ष हर्षवर्धन सपकाळ यांनी स्वतः पत्रकार परिषद घेत हे स्पष्ट केलं आहे.

महाविकास आघाडीतील या मतभेदानंतर अनेक राजकीय नेत्यांनी आरोप-प्रत्यारोप सुरू केले. उपमुख्यमंत्री एकनाथ शिंदे यांनीही ‘स्वतः लढायची वेळ येते तेव्हा दुसऱ्या कोणाला पुढे करतात,’ असं म्हणत टीका केली, तर भाजप नेते किरीट सोमैया यांनी ‘ठाकरेंचा दगाबाजी करायचा संकल्प होता, पण संधी मिळाली नाही,’ असा टोला लगावला आहे. त्यांनी अनेक मुद्द्यांवर भाष्य केले, अखेर विधान परिषदेचा प्रश्न विचारता त्यांनी एका ओळीत उत्तर दिलं.