Ajit Pawar Death in Plane Accident : भीषण विमान अपघातात अजित पवारांचा चटका लावणारा मृत्यू

बारामतीत लँडिंगदरम्यान झालेल्या भीषण विमान अपघातात महाराष्ट्राचे उपमुख्यमंत्री अजित पवार यांचा मृत्यू झाला आहे. हे छोटे विमान कोसळल्यानंतर त्याला आग लागली आणि ते पूर्णपणे जळून खाक झाले. या दुर्दैवी घटनेत अजित पवारांसह एकूण सहा जणांचा बळी गेल्याची माहिती डीजीसीएने (Directorate General of Civil Aviation) दिली आहे.

घटनेची माहिती मिळताच अग्निशमन दलाने तात्काळ घटनास्थळी धाव घेतली आणि विमानाला लागलेली आग विझवली. अपघातानंतर बारामती आणि आसपासच्या भागातील नागरिक तसेच राष्ट्रवादी काँग्रेसचे (NCP) कार्यकर्ते मोठ्या संख्येने घटनास्थळी जमा झाले. पोलिसांनी परिस्थिती नियंत्रणात आणण्यासाठी गर्दीला मागे जाण्यास सांगितले. अजित पवार एका सभेसाठी मुंबईहून बारामतीला निघाले होते. या घटनेमुळे राजकीय वर्तुळात हळहळ व्यक्त होत आहे.