Maharashtra Election Results 2026 : मोठी बातमी, मुंबईत शिंदे सेनेच्या यामिनी जाधव यांचा दणदणीत विजय

महाराष्ट्र स्थानिक निवडणुका 2026 चे मुंबईमधील निकाल समोर आले आहेत. या निकालांमध्ये अनेक प्रभागांमध्ये महत्त्वपूर्ण बदल दिसून येत आहेत. शिंदेंच्या शिवसेनेच्या यामिनी जाधव यांनी प्रभाग क्रमांक 209 मधून विजय मिळवला आहे. लोकसभेमध्ये आणि विधानसभेमध्ये पराभव पत्करावा लागल्यानंतरही, यामिनी जाधव यांनी नगरसेवक म्हणून विजय संपादन केला आहे. वॉर्ड क्रमांक 184 मधून ठाकरे गटाच्या वर्षा नकाशे विजयी झाल्या आहेत. तर, वॉर्ड क्रमांक 156 मधून शिंदेंच्या शिवसेनेचे अश्विनी माटेकर यांनी ठाकरे गटाच्या संजना कासले यांचा पराभव केला. वॉर्ड क्रमांक 157 मध्ये शिवसेनेच्या (शिंदे गट) सरिता म्हस्के यांनी भाजपच्या आशा तायडे यांना पराभूत केले. वॉर्ड क्रमांक चारमधून शिंदेंच्या शिवसेनेचे मंगेश पांगारे विजयी झाले आहेत.

प्रभाग क्रमांक 22 मधून भाजपचे हिमांशु पारेख विजयी झाले आहेत, ज्यामुळे मुंबईतील भाजपचा आकडा 93 वर पोहोचला आहे. सध्याच्या आकडेवारीनुसार, मुंबईत भाजप 93, शिंदे गट शिवसेना 29, मनसे 9, ठाकरे गट शिवसेना 61, काँग्रेस आणि वंचित बहुजन आघाडी 13, राष्ट्रवादी काँग्रेस 2 आणि इतर 8 जागांवर आघाडीवर आहेत.