Sushma Andhare : मतदार यादीतील घोळ अन् मतचोरीवरून निवडणूक आयोगावर अंधारेंचा गंभीर आरोप

सुषमा अंधारे यांनी पत्रकार परिषद घेऊन निवडणूक आयोगावर मतदार याद्यांमधील गैरव्यवहार आणि ‘मतचोरी’वरून गंभीर आरोप केले आहेत. बुलढाणा येथे ५,२५० मृत व्यक्तींनी मतदान केल्याचे आणि ७,५०० मतदारांचे दुबार मतदान झाल्याचे त्यांनी नमूद केले. तसेच, एकाच कुटुंबात शेख, कांबळे, जैन अशी भिन्न नावे मतदार यादीत आढळल्याचे त्यांनी सांगितले.

महाविकास आघाडीच्या नेत्यांनी, राहुल गांधी आणि आदित्य ठाकरे यांनी उपस्थित केलेले प्रश्न, तसेच मनसे प्रमुखांनी दिलेले पुरावे निवडणूक आयोग विचारात घेत नसल्याचा आरोप अंधारे यांनी केला. प्रश्नांना उत्तरे न देता आयोगाने अचानक आचारसंहिता जाहीर करणे म्हणजे वास्तवापासून पळ काढणे आहे. या सरकारची निर्मिती मतचोरीतून झाली असल्याचा दावा त्यांनी केला. निवडणूक आयोगाची ही भूमिका भाजपच्या दबावाखाली असून, स्वायत्त यंत्रणांचा वापर करत असल्याचा आरोप अंधारे यांनी केला.