मनोज जरांगे पाटील यांची प्रकृती ढासळली, स्टेजवर उभं राहताच कोसळले अन्…

जालना, ३० ऑक्टोबर २०२३ | मराठा समाजाला आरक्षण मिळावं म्हणून मनोज जरांगे पाटील यांनी आपला निर्धार कायम ठेवत आज सलग सहाव्या दिवशी आमरण उपोषण सुरूच ठेवले आहे. दरम्यान, पोटात काही अन्न आणि पाणी नसल्याने त्यांची प्रकृती अत्यंत खालवली आहे. त्यामुळे समस्त ग्रामस्त चिंताग्रस्त झाले आहेत. त्यामुळे कार्यकर्ते, गावकऱ्यांकडून त्यांना पाणी पिण्याची वारंवार विनंती केली जात आहे. दरम्यान, आज दुपारी २ वाजता माध्यमांशी संवाद साधणार त्यापूर्वीच मनोज जरांगे पाटील हे स्टेजवर धाडकन कोसळले. त्यामुळे आंदोलकांनी पाटील यांनी पाणी प्या.. तुम्हाला पाणी प्यावंच लागेल. अशी वारंवार विनंती सुरूच ठेवली. जरांगे पाटील यांची प्रकृती खालवली असली तरी त्यांनी त्यांच्यावरील वैदकीय उपचारांना नकार दिला आहे. त्यामुळे सरकारनेही त्यांना वैद्यकीय उपचार घेण्यास आणि पाणी पिण्यासह तब्येतीची काळजी घेण्यास विनंती केली आहे.