Manoj Jarange Patil : नीच, विद्रोही माणूस…जरांगेंचा अजित पवारांसह फडणवीसांवर गंभीर आरोप अन् मुंडेंवरही निशाणा

मनोज जरांगे पाटील यांनी धनंजय मुंडेंना चौकशीपासून वाचवण्यासाठी सरकारमधील प्रमुख नेते, विशेषतः अजित पवार आणि देवेंद्र फडणवीस प्रयत्न करत असल्याचा आरोप केला आहे. जरांगे पाटील यांच्या मते, धनंजय मुंडे स्वतः चौकशी टाळण्यासाठी या नेत्यांना भेटले आहेत. जरांगे पाटील यांनी धनंजय मुंडे यांच्यावर गंभीर कटकारस्थान घडवून आणल्याचा आणि तरुणांना गुन्हेगारीकडे वळवण्याचा आरोप केला आहे. या प्रकारामुळे आपला सरकारवरील, फडणवीस आणि अजित पवार यांच्यावरील विश्वास उडाल्याचे त्यांनी स्पष्ट केले.

सरकारने धनंजय मुंडे यांना संरक्षण दिल्यास त्याचे गंभीर परिणाम भोगावे लागतील, असा इशाराही त्यांनी दिला. या पार्श्वभूमीवर, जरांगे पाटील यांनी सरकारकडून मिळालेली पोलीस सुरक्षा नाकारणार असल्याचे आणि स्वतः उपअधीक्षक (DSP) यांच्याकडे अर्ज करणार असल्याचे जाहीर केले आहे.