… म्हणून कोणी दात तोडत नाही! मोहन भागवत याचं मोठं वक्तव्य

राष्ट्रीय स्वयंसेवक संघाचे सरसंघचालक मोहन भागवत यांनी कुटुंब नियोजन, धर्मांतरण, घुसखोरी आणि रोजगार निर्मिती यांसारख्या विविध मुद्द्यांवर आपले विचार मांडले. कुटुंबात तीन अपत्यांची शिफारस करताना त्यांनी चिपर बाय डझन या पुस्तकाचा संदर्भ दिला. विवाह म्हणजे केवळ शारीरिक संबंध नसून कुटुंबाची निर्मिती करणारे साधन आणि एक संस्कार असल्याचे ते म्हणाले.

लोकसंख्या असंतुलनाची तीन प्रमुख कारणे त्यांनी सांगितली: धर्मांतरण, घुसखोरी आणि जन्मदर. जबरदस्तीने, प्रलोभनाने किंवा फसवून होणारे धर्मांतरण पूर्णपणे निंदनीय आहे, असे ते म्हणाले. अशा धर्मांतरावर बंदी घालून इच्छुक लोकांसाठी घरवापसीचा मार्ग खुला असावा असे त्यांचे मत होते. घुसखोरीबाबत, सरकारने डिटेक्ट आणि डिपोर्ट करण्याची गरज असून, नागरिकांनीही सतर्क राहून परदेशी लोकांना रोजगार न देण्याचे आवाहन त्यांनी केले. अर्थव्यवस्थेमध्ये रोजगार निर्मितीला प्राधान्य देत, मासेसद्वारे उत्पादन यावर भर देण्याचे त्यांनी सुचवले.