Mumbai Air Pollution : मुंबई जगातील तिसऱ्या क्रमांकाचं प्रदूषित शहर; नागरिकांच्या आरोग्याला धोका, AQI थेट…

मुंबईतील वायु प्रदूषणाची समस्या दिवसेंदिवस गंभीर होत चालली आहे. अलीकडील आकडेवारीनुसार, मुंबई हे जगातील तिसरे सर्वाधिक प्रदूषित शहर ठरले आहे. शहराच्या हवेच्या गुणवत्ता पातळीत सातत्याने वाढ होत असल्याने, एक्यूआय (Air Quality Index) धोकादायक पातळीवर पोहोचला आहे. काल मुंबईचा सरासरी एक्यूआय १६६ नोंदवला गेला, जो आरोग्यासाठी हानिकारक मानला जातो.

मुंबईतील एकंदर २६ ठिकाणी एक्यूआय मोजला जातो. त्यापैकी धक्कादायक बाब म्हणजे ११ ते १२ ठिकाणांवरील एक्यूआय धोकादायक श्रेणीत नोंदवला गेला आहे. या वाढत्या प्रदूषणामागे गेल्या काही दिवसांपासून शहरात सुरू असलेली बांधकामे आणि इतर विकासकामे प्रमुख कारण मानली जात आहेत. देवनार, चेंबूर, मालाड आणि बीकेसी (Bandra Kurla Complex) यांसारख्या प्रमुख भागांमधील एक्यूआयमध्ये विशेषतः वाढ दिसून येत आहे.

या गंभीर परिस्थितीवर मुंबई महानगरपालिका येत्या काळात कोणत्या उपाययोजना करते, हे पाहणे महत्त्वाचे ठरणार आहे. नागरिकांच्या आरोग्यासाठी तातडीने प्रभावी पावले उचलणे आवश्यक आहे.