अडीच तासापासून अडकलेली मोनो रेल अखेर सुरू

मुंबईतील वडाला परिसरात आज सकाळी साडेसहाच्या सुमारास चेंबुरकडे जाणारी मोनोंरेल तांत्रिक बिघाडामुळे अडकली. मोनोंरेलमध्ये मोटरमनसह एकूण १९ जण होते. अग्निशमन दलाने पाचरण केले, परंतु लॅडरच्या मदतीने सर्व १७ प्रवाशांना सुरक्षितपणे दुसऱ्या मोनो रेलमध्ये हलविण्यात आले. अडीच तासांच्या प्रयत्नानंतर, तांत्रिक टीमने मोनोंरेल दुरुस्त केली आणि ती ट्रॅकवरून हलवण्यात आली. मोनोंरेलची सेवा आता पूर्ववत झाली असून, वेळापत्रकावर काही प्रमाणात परिणाम झाल्याचे दिसून येत आहे.