मुंबईत मुसळधार! दादर रेल्वेट्रॅकवर पाणी साचण्यास सुरुवात

मुंबईत सकाळपासून मुसळधार पाऊस पडत आहे. या पावसामुळे मुंबईतील रेल्वे वाहतूक मोठ्या प्रमाणात विस्कळीत झाली आहे. दादर रेल्वे स्थानकावर पाणी साचल्याची बातमी आहे. मध्य, पश्चिम आणि हार्बर या तीनही रेल्वे मार्गांवरील गाड्यांच्या वेळापत्रकात उशीर झाला आहे. काही गाड्या १० ते १५ मिनिटे उशिराने धावत आहेत तर काही गाड्या रद्द करण्यात आल्या आहेत. पावसाचा जोर पुढील तीन तास कायम राहण्याची शक्यता हवामान खात्याने वर्तवली आहे. त्यामुळे रेल्वे ट्रॅकवर पाणी साचण्याची आणि रेल्वे सेवा पूर्णपणे विस्कळीत होण्याची शक्यता आहे. रेल्वे प्रशासन वेळापत्रक सुरळीत करण्यासाठी प्रयत्न करत असले तरी प्रवाशांना मोठा त्रास सहन करावा लागत आहे.