Uddhav thackeray : कितीही दिवस लागू द्या, निवडणुका बॅलेटवरच घ्या, उद्धव ठाकरेंनी थेट आयोगाला सुनावलं

विरोधी पक्षांच्या नेत्यांनी नुकतीच महाराष्ट्र निवडणूक आयोगाची भेट घेऊन मतदार यादीतील गंभीर त्रुटींवर चिंता व्यक्त केली. उद्धव ठाकरे, राज ठाकरे, राष्ट्रवादी काँग्रेसचे जयंत पाटील आणि जितेंद्र आव्हाड, शेकापचे जयंत पाटील आणि काँग्रेसचे बाळासाहेब थोरात यांच्यासह अनेक प्रमुख नेत्यांनी आयोगासमोर अनेक पुरावे आणि उदाहरणे सादर केली. एका मतदारसंघातील ४०० मतदारांची एकाच पत्त्यावर नोंदणी, नालासोपाऱ्यातील एका मतदाराच्या नोंदणीतील घोळ आणि नावे निवडणूक आयोगाच्या वेबसाइटवरून काढून टाकल्याचे आरोप यावेळी करण्यात आले. या शिष्टमंडळाने VVPAT यंत्रणेवर गंभीर प्रश्नचिन्ह उपस्थित करत, निवडणुका बॅलेट पेपरवर घेण्याची मागणी केली.

उद्धव ठाकरेंनी स्पष्टपणे सांगितले की, “VVPAT देत नाहीत म्हणजे सर्व पुरावे तुम्ही नष्ट कराल.” तसेच, त्यांनी निवडणूक आयोगाला “हरिश्चंद्र नाही” असेही म्हटले. राज ठाकरे यांनीही कितीही दिवस लागू द्या, निवडणुका बॅलेटवर घ्या अशी भूमिका मांडली. अंतिम मतदार यादीत सुधारणा होईपर्यंत निवडणुका पुढे ढकलण्याची आणि सर्व राजकीय पक्षांना ती दाखवण्याची मागणीही महाविकास आघाडीच्या नेत्यांनी केली आहे. निवडणूक आयोगाकडून मात्र या प्रश्नांवर समाधानकारक उत्तरे मिळाली नाहीत.