Nashik मधील बाजार समित्यांमध्ये आजपासून कांदा लिलाव बंद, काय आहे कारण?

नाशिक, २० सप्टेंबर २०२३ | नाशिक जिल्ह्यातील कांदा व्यापारी आजपासून पुन्हा एकदा लिलाव बंद करणार असल्याचे समोर येत आहे. विविध मागण्यांवर तोडगा न निघाल्यामुळे लासलगावसह नाशिक जिल्ह्यातील 17 बाजार समित्यांमध्ये कांदा लिलाव बेमुदत बंद पुकारण्यात आला आहे. तर दुसरीकडे नाफेड मार्फत सुरू असलेली कांद्याची खरेदी लासलगाव येथील दोन्ही केंद्रांवर बंद असल्याने कांदा उत्पादकांची कांदा विक्रीसाठी कोंडी होत आहे. दरम्यान, 2 हजार 410 रुपयांचा दर असतांना जिल्ह्यातील काही केंद्रावर 2000 रुपये दराने खरेदी केली जात असल्याने महाराष्ट्र राज्य कांदा उत्पादक शेतकरी संघटना आक्रमक झाली आहे. त्यामुळे यावर लवकरात लवकर तोडगा न निघाल्यास रस्ता रोको आंदोलनासह रेल रोको सारखं आंदोलन करण्याचा थेट इशारा नाशिक जिल्ह्यातील व्यापाऱ्यांनी दिला आहे.