Gopichand Padalkar यांना काळं फासा अन् एक लाख मिळवा, कोणत्या नेत्यानं केलं वक्तव्य?

नागपूर, २० सप्टेंबर २०२३ | भाजप नेते आणि आमदार गोपीचंद पडळकर यांना जोडे मारा, काळं फासा आणि एक लाख रुपये मिळवा, असे म्हणत राष्ट्रवादीचे प्रवक्ते आणि नागपूर शहराध्यक्ष प्रशांत पवार यांनी राज्यातील अजीत दादा गटाच्या कार्यकर्त्यांना आवाहन केले आहे. इतकेच नाहीतर गोपीचंद पडळकर नागपूरात आले तर आम्ही सोडणार नाही, पडळकर नागपूरात आले तर मार खाऊन जाणार, असा थेट इशाराच प्रशांत पवार यांनी पडळकर यांना दिलाय. उपमुखमंत्री देवेंद्र फडणवीस यांनी पडळकर यांना समजावून सांगावं, नाही तर पक्षातून काढून टाकावं, असे म्हणत रोहित पवार यांनी अजीत दादांची चिंता करु नये आम्ही अजीत पवार यांची काळजी घ्यायला सक्षम असल्याचे प्रशांत पवार यांनी म्हटले आहे. गोपीचंद पडळकर यांच्यात धमक असेल तर आमदारकीचा राजीनामा द्यावा आणि मग आंदोलन करावं, असा थेट इशारादेखील त्यांनी पडळकरांना दिलाय.