‘देवा तूच सांग’, शरद पवार पक्षाकडून बॅनरबाजी

नाशिकमध्ये राष्ट्रवादी काँग्रेस पक्षाने आयोजित केलेल्या एकदिवसीय शिबिरात शरद पवार यांच्या नेतृत्वाखाली शेतकऱ्यांच्या समस्यांवर चर्चा झाली. या शिबिराच्या पार्श्वभूमीवर, पक्षाने देवा तूच सांग या आशयाच्या जाहिराती नाशिकच्या लोकमत, पुढारी, सकाळ आणि दिव्य मराठी या वृत्तपत्रांच्या पहिल्या पानावर छापल्या. या जाहिरातीत शेतकरी कर्जमाफी, शेतकरी आत्महत्या, पीक विमा, पिकांना हमीभाव, भावंतर योजना, बेरोजगारी, महिला सुरक्षा आणि अतिवृष्टीमुळे झालेल्या नुकसानीसारख्या अनेक समस्यांचा समावेश आहे. जाहिरातीत हे स्वार्थी सरकार पुरस्कृत ग्रहण कधी सुटणार? असा प्रश्न देखील उपस्थित करण्यात आला आहे. उद्या नाशिकमध्ये शरद पवार यांच्या नेतृत्वाखाली शेतकऱ्यांच्या समस्यांबाबत एक मोठा आक्रोश मोर्चा काढण्यात येणार असल्याची माहिती आहे.