WITT Global Summit : अम्मा प्लीज ‘ॲनिमल’चित्रपट पाहू नको… खुशबू सुंदर यांच्या मुली असं का म्हणाल्या?

नवी दिल्ली | 25 फेब्रुवारी 2024 : व्हॉट इंडिया थिंक्स टुडे ग्लोबल समिटमध्ये राष्ट्रीय महिला आयोगाच्या सदस्या आणि अभिनेत्री खुशबू सुंदर यांनी रणबीर कपूर आणि रश्मिका मंदान्ना स्टारर ॲनिमलवर भाष्य केले. महिलांवरील गुन्ह्यांचा संदर्भ देताना खुशबू सुंदर म्हणाल्या, “ॲनिमलसारखा चित्रपट, जो सर्वाधिक कमाई करणारा चित्रपट ठरतो. असे चित्रपट पाहणाऱ्या लोकांच्या मानसिकतेचा विचार करायला हवा. त्यांच्याबद्दलही चर्चा व्हायला हवी.” पुढे त्या असेही म्हणाल्या की, अशा चित्रपटांसाठी मी दिग्दर्शकाला दोष देत नाही कारण त्याच्यासाठी फक्त चित्रपटाचे यश महत्त्वाचे असते. ॲनिमलसारखे चित्रपट पाहणारे सर्व तरुण आहेत. तो एक सुशिक्षित तरुण आहे. माझ्या मुलींनी हा चित्रपट पाहावा अशी माझी इच्छा नव्हती, पण त्या गेल्या कारण त्यांना हा चित्रपट काय आहे हे जाणून घ्यायचे होते. पण त्या पाहून आल्यात आणि म्हणाल्या अम्मा कृपया हा चित्रपट पाहू नका.