आदित्य ठाकरे यांचा जागतिक पातळीवर ठसा; संजय राऊत यांच्याकडून कौतुकाचा वर्षाव

नवी दिल्ली : शिवसेना ठाकरे गटाचे नेते, खासदार संजय राऊत यांनी आदित्या ठाकरे यांचं कौतुक केलं आहे. “बाळासाहेब ठाकरे शक्तिशाली नेते होते आणि त्यांचे नातू आदित्य ठाकरे यांचा समावेश वर्ड इकॉनॉमिक फोरममध्ये समावेश होणं हे महाराष्ट्राच्या आणि देशाच्या दृष्टीने गौरव आहे. आदित्य एक मंत्री, नेता म्हणून जागतिक ठसा उमटवत आहेत, आदित्य हे उज्ज्वल राजकीय भविष्य आहे”, असं राऊत म्हणालेत. ठाकरे परिवार, सहकारी यांचे बाबतीत खोटे गुन्हे दाखल करणे ,संपत्तीचा विषय व्हिडिओ मॉंर्फिंगचा विषय, फक्त शिवसेना आणि ठाकरे परिवार यांना लक्ष करून राजकारण सुरू आहे, असंही राऊत म्हणालेत.