राष्ट्रवादीच्या राष्ट्रीय अध्यपदी प्रफुल्ल पटेल? ‘त्या’ चर्चेवर काय केलं ट्विट?

राष्ट्रवादी काँग्रेस पक्षाच्या राष्ट्रीय अध्यक्षपदी आपली नियुक्ती झाल्याचे वृत्त पूर्णपणे निराधार आणि तथ्यहीन असल्याचे पक्षाचे ज्येष्ठ नेते प्रफुल्ल पटेल यांनी स्पष्ट केले आहे. माध्यमांमध्ये याबाबत काही बातम्या प्रसारित झाल्या होत्या, मात्र पटेल यांनी ट्वीट करत या वृत्तात कोणतेही सत्य नसल्याचे सांगितले. सध्या महाराष्ट्राच्या राजकारणात विविध घडामोडी घडत असताना, पटेल यांच्या या स्पष्टीकरणामुळे राष्ट्रवादी काँग्रेसमधील नेतृत्वाच्या भूमिकेबद्दलच्या चर्चांना पूर्णविराम मिळाला आहे.

दरम्यान, महाराष्ट्र नवनिर्माण सेनेचे अध्यक्ष राज ठाकरे यांनी उद्या पक्षाच्या पदाधिकाऱ्यांची एक महत्त्वाची बैठक बोलावली आहे. मुंबईतील MIG क्लबमध्ये उद्या सकाळी 10 वाजता ही बैठक होणार असून, पक्षाच्या मुंबईमधील विभाग अध्यक्षांना या बैठकीला उपस्थित राहण्याचे निर्देश देण्यात आले आहेत. आगामी महापालिका निवडणुकांच्या संदर्भात आणि मागील निकालांच्या पार्श्वभूमीवर या बैठकीत सखोल मंथन केले जाईल, अशी अपेक्षा आहे. राज ठाकरे यांच्या या बैठकीकडे राजकीय वर्तुळाचे लक्ष लागले आहे.