UPI वापरणाऱ्यांसाठी मोठी बातमी! ग्राहकांना नाही तर दुकानदारांना भरावे लागणार शुल्क, व्हिडिओ बघाच

नॅशनल पेमेंट्स कॉर्पोरेशन ऑफ इंडिया (NPCI) ने यूपीआय (UPI) व्यवहारांसाठी नवीन शुल्क नियमावली जाहीर केली आहे. यानुसार, दोन हजार रुपयांपेक्षा जास्त रकमेच्या यूपीआय व्यवहारांवर ०.४% शुल्क आकारले जाईल. हे शुल्क केवळ पर्सन-टू-मर्चंट (P2M) म्हणजेच व्यक्तीकडून दुकानदाराला केल्या जाणाऱ्या पेमेंटसाठी लागू होईल. महत्त्वाचे म्हणजे, हे शुल्क ग्राहकांकडून आकारले जाणार नसून, ते संबंधित दुकानदारांना भरावे लागेल.

दोन हजार रुपयांपर्यंतच्या यूपीआय व्यवहारांवर कोणताही परिणाम होणार नाही आणि ते पूर्वीप्रमाणेच निशुल्क राहतील. तसेच, एका व्यक्तीने दुसऱ्या व्यक्तीला केलेल्या यूपीआय पेमेंटसाठी (पर्सन-टू-पर्सन व्यवहार) कोणतेही शुल्क आकारले जाणार नाही. उदाहरणार्थ, जर तुम्ही दुकानदाराला तीन हजार रुपयांचे पेमेंट केले, तर त्यावर १२ रुपये शुल्क लागू होईल, जे दुकानदार भरेल.

काही विशिष्ट क्षेत्रांसाठी शुल्क आकारणीमध्ये बदल करण्यात आला आहे. रेल्वे, टेलिकॉम आणि विमा क्षेत्रातील दोन हजार रुपयांवरील पेमेंटसाठी टक्केवारीऐवजी ५ रुपये निश्चित शुल्क आकारले जाईल. याचा अर्थ, तुम्ही दोन हजार रुपयांपेक्षा जास्त रकमेचे पेट्रोल किंवा डिझेल भरले, रेल्वे तिकीट काढले किंवा विम्याचा हप्ता भरला तरी ५ रुपये शुल्क लागू होईल. मोठ्या रकमेच्या व्यवहारांसाठी देखील शुल्क निश्चित केले आहे. पन्नास हजार रुपयांपेक्षा जास्त रकमेच्या व्यवहारावर दुकानदाराला दोनशे रुपये शुल्क, तर पंच्याहत्तर हजार रुपयांपेक्षा जास्त रकमेच्या व्यवहारावर तीनशे रुपये शुल्क आकारले जाईल. या नवीन नियमांमुळे यूपीआय व्यवहारांमध्ये अधिक स्पष्टता येईल.