Gauri Garje Case : …नाहीतर अनंत गर्जेच्या कानाखाली मारली असती, PA वर पंकजा मुंडे भडकल्या

पंकजा मुंडेंच्या पीए अनंत गर्जे यांच्या पत्नी, डॉ. गौरी पालवे यांच्या संशयास्पद मृत्यू प्रकरणी कुटुंबीयांनी विशेष तपास पथकाद्वारे (एसआयटी) चौकशीची मागणी केली आहे. गौरीचे पती अनंत गर्जे यांना कोर्टाने चार दिवसांची पोलीस कोठडी सुनावली आहे. मात्र, गौरीच्या आईने पोलिसांच्या तपासावर अविश्वास व्यक्त करत, एसआयटी चौकशीची मागणी केली आहे. गौरीची आत्महत्या नसून हत्या झाली असल्याचा आरोप तिच्या आईने केला आहे. गौरीच्या शरीरावर मारहाणीच्या खुणा होत्या, असेही त्यांनी सांगितले. अनंत गर्जेसोबत दीर अजय गर्जे आणि नणंद शीतल गर्जे यांनी मिळून गौरीची हत्या केल्याचा आरोप कुटुंबीयांनी केला आहे. दरम्यान, पंकजा मुंडेंनी गौरीच्या कुटुंबीयांची भेट घेऊन सहानुभूती दर्शवली आणि तपासात कोणताही हस्तक्षेप करणार नसल्याचे स्पष्ट केले. महिला आयोगाच्या अध्यक्षा रूपाली चाकणकर यांनीही कुटुंबीयांची भेट घेऊन निष्पक्ष तपासाचे आश्वासन दिले आहे.