Tahawwur Rana : तहव्वुर राणा १८ दिवस एनआयएच्या कोठडीत, निम्म्या रात्री पटियाला हाऊस कोर्टात नेमकं काय काय झालं?

पटियाला हाऊस कोर्टाने 26 / 11 हल्ल्याचा मास्टरमाइंड तहव्वुर राणाला १८ दिवसांची एनआयए कोठडी सुनावली. एनआयएच्या वकिलांनी पटियाला हाऊस कोर्टात २० दिवसांच्या रिमांडची मागणी केली होती. तहव्वुर राणा याला आता एनआयएच्या मुख्यालयात नेण्यात आलं आहे.

दहशतवादी तहव्वुर राणाला काल अमेरिकेतून भारतात आणल्यानंतर एनआयएने त्याला विमानतळावरच अटक केली. त्यानंतर त्याला पटियाला हाऊस कोर्टात सुनावणीसाठी हजर करण्यात आलं. सुनावणीदरम्यान एनआयएने पटियाला हाऊस कोर्टात तहव्वुर राणाचा २० दिवसांचा रिमांड मागितला होता. त्यावर न्यायालयाने १८ दिवसांची कोठडी मंजूर केली. आता एनआयएकडे मुंबई हल्ल्यात नेमकं काय काय केलं हे त्याच्याकडून काढून घेण्यासाठी १८ दिवसांचा अवधी असणार आहे.