राहुल कलाटेंच्या बंडखोरीनंतर नाना काटे यांच्या विजयासाठी मविआने कंबर कसली; प्रमुख नेत्यांची जाहीर सभा

पिंपरी चिंचवड : भाजप नेते लक्ष्मण जगताप यांच्या निधनानंतर पिंपरी चिंचवड मतदारसंघात पोटनिवडणूक होतेय. या निवडणुकीत महाविकास आघाडीकडून राष्ट्रवादीचे नेते नाना काटे हे उमेदवार आहेत. नाना काटे यांच्या प्रचारासाठी आज सभा होतेय. यात शिवसेना, काँग्रेस, राष्ट्रवादी तिन्ही पक्षाचे नेते उपस्थित आहेत. अजित पवार, नाना पटोले आणि आदित्य ठाकरे आज या प्रचारसभेला संबोधित करत आहेत. राहुल कलाटेंच्या बंडखोरीनंतर आदित्य ठाकरे पहिल्यांदाच चिंचवड मतदारसंघात आले आहेत. त्यामुळे या प्रचारसभेकडे सर्वांचंच लागलं आहे.