Video : कसबा पोटनिवडणुकीचा आज निकाल? विजयाचा गुलाल कोण उधळणार? राज्याचं लक्ष

पुणे : भाजपच्या नेत्या मुक्त टिळक यांच्या निधनानंतर कसबा विधानसभा मतदारसंघात निवडणूक होतेय. या निवडणुकीसाठी भाजपचे हेमंत रासने आणि काँग्रेसचे रविंद्र धंगेकर मैदानात आहेत. या पोटनिवडणुकीसाठी आज मतमोजणी होतेय. भाजप उमेदवार हेमंत रासने आणि काँग्रेस उमेदवार रविंद्र धंगेकर यांच्या राजकीय भवितव्याचा आज फैसला होणार आहे. कोरेगाव पार्क येथील भारतीय खाद्य निगमच्या गोडाऊनमध्ये मतमोजणी होणार आहे. मतमोजणीसाठी एकूण 14 टेबल असून 20 फेऱ्या होणार आहेत. थोड्याच वेळात 8 वाजता मतमोजणीला सुरूवात होणार आहे.