| BJP | Sunetra Pawar | पार्थ पवार, आठवले आणि शेवाळे राज्यसभेवर जाणार? पडद्यामागे काय ठरलं?

राज्यसभेसाठी महायुती आणि महाविकास आघाडीच्या पक्षांमध्ये तयारी जोमात सुरू आहे. सूत्रांच्या माहितीनुसार, राष्ट्रवादी काँग्रेसकडून पार्थ पवार यांचं नाव जवळपास निश्चित झाल्याचे सांगितले जात आहे. याचबरोबर, भाजपकडून रामदास आठवले यांचं नाव देखील जवळपास ठरले असल्याचे सूत्रांनी तशी माहिती दिली आहे. भाजपमध्ये आणखी तीन उमेदवारांच्या नावावर कोअर कमिटीच्या बैठकीत चर्चा होणार असल्याचे देखील सांगण्यात आले आहे. शिवसेनेकडून राज्यसभेसाठी राहुल शेवाळे यांचं नाव जवळपास निश्चित झाल्याचे देखील सूत्रांनी सांगितले आहे. याशिवाय, उपमुख्यमंत्री सुनेत्रा पवार यांच्या नावावर राष्ट्रीय अध्यक्ष म्हणून शिक्कामोर्तब केलं जाणार असल्याची सूत्रांची माहिती आहे. राज्यसभेसाठी उमेदवारांच्या निवडीवरून पक्षांमध्ये राजकीय गती वाढल्याची स्पष्ट चिन्हे दिसत आहेत.