यामागे कुणातरी मोठ्या व्यक्तीचा हात! रोहित पवारांचा गंभीर आरोप

राष्ट्रवादी काँग्रेसचे नेते रोहित पवार यांनी अजित दादांच्या विमान दुर्घटनेबाबत एफआयआर नोंदवण्याची मागणी केली आहे. खराब लेअरजेट विमान त्यांना जाणूनबुजून देण्यात आले का, असा प्रश्न त्यांनी उपस्थित केला. व्हीएसआर कंपनीचे मालक अनेक मोठ्या राजकीय नेत्यांच्या जवळचे असून, या कंपनीला राजकीय मदतीचा संशय त्यांनी व्यक्त केला.

रोहित पवार यांनी म्हटले की, पोलिसांनी केवळ अपघाती मृत्यूची नोंद न करता, घातपाताच्या दृष्टिकोनातूनही तपास करावा. या घटनेमागे कोणातरी मोठ्या व्यक्तीचा हात असल्याचा संशय त्यांनी व्यक्त केला. सामान्य नागरिकांच्या एफआयआरची नोंद होते, तर एका मोठ्या नेत्याच्या बाबतीत पोलीस दिरंगाई का करत आहेत, असा सवाल त्यांनी विचारला. एफआयआर नोंदवणे हा सर्वोच्च न्यायालयाने दिलेला अधिकार आहे, असेही त्यांनी नमूद केले.