रशिया-युक्रेन थोड्याच वेळात चर्चा, संध्याकाळी 7.30 वाजता चर्चेची तिसरी फेरी

युक्रेनचे राष्ट्राध्यक्ष वोलोडिमिर झेलेन्स्की यांच्या सल्लागाराने सांगितले की रशिया-युक्रेन यांच्यातील चर्चेची तिसरी फेरी आज (सोमवार) 7.30 वाजता होणार आहे.रशिया-युक्रेन शिष्टमंडळाची बैठक 2 तासांपेक्षा कमी कालावधीत सुरू होऊ शकते, असे रशियन मीडियाने वृत्त दिले आहे. रशियन शिष्टमंडळ सध्या बेलारूसमधील ब्रेस्ट येथे पोहोचले आहे. पंतप्रधान नरेंद्र मोदी यांनी रशियाचे राष्ट्राध्यक्ष व्लादिमीर पुतिन यांच्याशी चर्चा केली. दोन्ही नेत्यांनी युक्रेनमध्ये निर्माण झालेल्या परिस्थितीवर चर्चा केली. सूत्रांनी ही माहिती दिली आहे. विमान वाहतूक मंत्रालयाचे म्हणणे आहे की 400 हून अधिक भारतीयांना परत आणण्यासाठी मंगळवारी दोन नागरी उड्डाणे रोमानियाहून चालविली जातील.