Daulatabad Fort : दौलताबादच्या देवगिरी किल्ल्याला भीषण आग; ऐतिहासिक वास्तुचं मोठं नुकसान

दौलताबादच्या देवगिरी किल्ला परिसरात भीषण आग लागली आहे. आगीमुळे किल्ल्याच्या चारही बाजूंना धुराचे लोट पसरलेले आहेत.

संभाजीनगर जिल्ह्यात असलेल्या दौलताबाद येथील देवगिरी किल्ल्याच्या परिसरात आज दुपारी भीषण आग लागली. या आगीमुळे किल्ल्याच्या चारही बाजूंनी धुराचे मोठे लोट उठलेले बघायला मिळाले. केवळ किल्ल्याचा परिसरच नाही तर देवगिरी किल्ला देखील आगीच्या विळख्यात आलेला यावेळी दिसला. किल्ल्यावर असलेले झाडं, गवत सगळच या आगीत जाळून राख झालं आहे. किल्ल्याच्या तिन्ही तटबंद्याच्या आतपर्यन्त ही आग पसरलेली आहे. या आगीमुळे देवगिरी किल्ल्याच्या या ऐतिहासिक वास्तुचं मोठ्याप्रमाणात नुकसान झालं आहे. ही आग विझवण्यासाठी अग्निशमन दलाचे जवान प्रयत्न करत आहेत.