Sanjay Raut : पंतप्रधान मोदींच्या राजकीय भवितव्यावर राऊतांचं भाकीत; अमेरिकेच्या परराष्ट्रमंत्र्यांच्या दौऱ्याचा उल्लेख करत काय म्हणाले?

संजय राऊत यांनी पंतप्रधान नरेंद्र मोदी यांची “एक्सपायरी डेट संपली आहे” असा दावा करत देशातील राजकीय वातावरण वेगाने बदलत असल्याचे म्हटले आहे. एप्रिल महिन्यापासून मे अखेरपर्यंत मोदींच्या घसरगुंडीची सुरुवात होईल, असे भाकीतही त्यांनी केले. देशातील प्रमुख नेत्यांच्या विचारांची दिशा आता बदलताना दिसत असल्याचे राऊत म्हणाले. माननीय राज ठाकरे आणि उद्धव ठाकरे यांनीही अशीच भूमिका मांडली आहे, तर दिल्लीत राहुल गांधी देखील हेच सांगत असल्याचे राऊत यांनी नमूद केले.

देशात झपाट्याने बदलणाऱ्या वातावरणाचे उदाहरण देताना राऊत यांनी अमेरिकेच्या परराष्ट्रमंत्र्यांच्या अलीकडील मुंबई भेटीचा उल्लेख केला. अमेरिकेचे परराष्ट्रमंत्री मोदींना न भेटता, दिल्लीला न जाता थेट मुंबईत आले आणि त्यांनी भारताच्या परराष्ट्रमंत्र्यांना इथे बोलावून घेतले, असे ते म्हणाले. यापूर्वी असे प्रमुख पाहुणे अहमदाबादला नेण्याची प्रथा अमेरिकेच्या या मंत्र्याने मोडली, याकडे राऊत यांनी लक्ष वेधले. जेव्हा अमेरिकेचे परराष्ट्रमंत्री मुंबईत आले, तेव्हा मोदी मंत्रिमंडळातील एक मंत्री (हरदीप पुरी) तिथे उपस्थित होते, हेही त्यांनी सांगितले.