एकनाथ शिंदे यांना सावरकरांचं कार्य माहिती नाही, ते कागद केवळ वाचतात; संजय राऊत यांचा घणाघात

नवी दिल्ली : शिवसेना ठाकरे गटाचे नेते, खासदार संजय राऊत यांनी मुख्यमंत्री एकनाथ शिंदे यांच्यावर टीका केली आहे. मुख्यमंत्री एकनाथ शिंदे यांना सावकरांचा इतिहास तरी माहिती आहे का? जर त्यांना माहिती असेलच तर त्यांनी सांगावं सावरकर यांचा जन्म कुठं झाला?, हे सांगावं. त्यांनी देशासाठी केलेल्या त्यागाबद्दल त्यांनी बोलावं. फक्त दिलेला कागद वाचून दाखवू नये, असं संजय राऊत म्हणाले आहेत. सावरकर गौरव यात्रा काढणं हे राजकीय ढोंग आहे. सावरकरांना संघ परिवारानं कायम वाळीत टाकलं. आता त्यांच्याबद्दल बोलणं हे ढोंग आहे, असं राऊत म्हणालेत. ते राजधानी दिल्लीत माध्यमांशी संवाद साधत होते.