…हे तर किळसवाणं, बदलापूर अत्याचारातील सहआरोपी नगरसेवक! संजय शिरसाटांचा पारा चढला

कुळगाव बदलापुरातील भाजपचे स्वीकृत नगरसेवक म्हणून तुषार आपटे यांची निवड करण्यात आली आहे. मात्र अक्षय शिंदे लैंगिक प्रकरणातील तुषार आपटे हे सहआरोपी आहेत. त्यामुळे राजकीय वर्तुळात एक नवीन वाद सुरु झाला आहे. यावर एकनाथ शिंदे यांच्या शिवसेनेचे नेते संजय शिरसाट यांनी माध्यमांशी बोलताना त्यांची प्रतिक्रिया व्यक्त केली आहे. तुषार आपटेंना स्वीकृत नगरसेवक करणं अत्यंत किळसवाणं आहे. लैंगिक अत्याचार प्रकरणातील आरोपींना नगरसेवक करत असाल तर याला कोणीही मान्यता देणार नाही. ही बाब अत्यंत गांभीर्याने घेतली पाहिजे असंही शिरसाट म्हणाले. अशा पद्धतीचं राजकारण करणं गैर आहे, लोकांच्या भावनेचा तो अनादर आहे असं म्हणत शिरसाटांनी विरोधकांवर हल्लाबोल केला आहे. या निर्णयावर लोक जरूर संतापतील त्यामुळे असे निर्णय घेण्याआधी पक्षांनी सर्व लोकांची पार्श्वभूमी काय आहे ते पाहिली पाहिजे.