Phaltan Doctor Death : ज्याने माझ्यावर 4 वेळा बलात्कार अन्… माझ्या मरणाचे कारण…. हातावर सगळंच लिहिलं अन् तिनं आयुष्य संपवलं

साताऱ्यातील फलटण शहरात एका महिला डॉक्टरने हातावर सुसाईड नोट लिहून आत्महत्या केल्याची धक्कादायक घटना समोर आली आहे. आत्महत्येपूर्वी लिहिलेल्या या नोटमध्ये पीएसआय गोपाल बदने आणि पोलीस प्रशांत बनकर यांच्यावर गंभीर आरोप करण्यात आले आहेत. पीएसआय गोपाल बडने यांनी चार वेळा अत्याचार केल्याचा आणि पोलीस प्रशांत बनकर यांनी मानसिक छळ केल्याचा आरोप मृत डॉक्टर महिलेने केला आहे. या घटनेमुळे संपूर्ण राज्यात खळबळ उडाली आहे.

सामान्य नागरिकांचे रक्षणकर्तेच जर असे कृत्य करत असतील तर जनतेने न्याय कोणाकडे मागावा, असा सवाल ठाकरे गटाकडून उपस्थित करण्यात आला आहे. राष्ट्रवादी अजित पवार गटाच्या नेत्या रुपाली ठोंबरे पाटील यांनी आरोपींना तात्काळ निलंबित करून त्यांच्यावर गुन्हा दाखल करण्याची मागणी केली आहे. गृह राज्यमंत्री पंकज भोयर यांनी सुसाईड नोटची चौकशी करून दोषींवर कठोर कारवाई केली जाईल अशी ग्वाही दिली आहे. पोलीस प्रशासनाकडून या प्रकरणी पुढील कारवाई सुरू करण्यात आली आहे.