एका बाजूला शिल्पा गवारे यांना श्रद्धांजली, दुसरीकडे उपमहापौर हसताना दिसल्या; VIDEO होतोय व्हायरल

पिंपरी-चिंचवड महानगरपालिकेच्या सभागृहात २७ ऑगस्ट २०२६ रोजी वाकड येथे घडलेल्या कै. शिल्पा सचिन गवारे यांच्या दुर्दैवी मृत्यूप्रकरणी तीव्र शोक व्यक्त करण्यात आला. १७ वर्षांचा संसार केल्यानंतर एका महिलेला असे टोकाचे पाऊल का उचलावे लागले, याबाबत गंभीर चिंता व्यक्त करण्यात आली. हे प्रकरण हुंडाबळीचे असल्याचा दावा करण्यात येत असून, सभागृहात उपस्थित एका सदस्याच्या सहकारी स्नेहा कलाटे यांच्या त्या नणंदबाई होत्या.

या गंभीर प्रकरणाची निष्पक्ष आणि सखोल चौकशी करून दोषींवर कोणताही दबाव न आणता कठोर कायदेशीर कारवाई करण्याची मागणी करण्यात आली. महिलांवरील कौटुंबिक छळ, हुंड्याची मागणी आणि मानसिक त्रासाविरुद्ध ठामपणे उभे राहण्याची गरज अधोरेखित करण्यात आली. तसेच महिलांना त्यांच्या हक्काची आणि कायदेशीर मदतीची माहिती मिळवण्यासाठी जनजागृती करणे महत्त्वाचे आहे असेही सांगण्यात आले. कै. शिल्पा गवारे यांना भावपूर्ण श्रद्धांजली अर्पण करून, त्यांच्या कुटुंबियांच्या दुःखात आम्ही सर्वजण सहभागी आहोत आणि त्यांना न्याय मिळवून देण्यासाठी पाठपुरावा करणार असल्याचे स्पष्ट करण्यात आले.

दरम्यान शिल्पा गवारे या प्रकरणी पिंपरी चिंचवडच्या महापौर शर्मिला बाबर ह्या जाहीर शोकसभेत हसल्या, त्यांचा हा व्हिडिओ सध्या व्हायरल होत आहे.