Shilpa Shetty : आधी पैसे भरा, मग खुशाल परदेशात फिरा! शिल्पा शेट्टीसह पतीला हायकोर्टाचा दणका, प्रकरण काय?

अभिनेत्री शिल्पा शेट्टी आणि तिच्या पतीला मुंबई उच्च न्यायालयाने परदेशात जाण्यापासून रोखले आहे. 60 कोटी रुपयांच्या फसवणुकीच्या प्रकरणात आरोप असल्याने, ही रक्कम न्यायालयात जमा करेपर्यंत त्यांना परदेशात जाण्याची परवानगी नाकारण्यात आली आहे. शिल्पा शेट्टी आणि तिच्या पतीने श्रीलंकेतील कोलंबो येथे एका कार्यक्रमासाठी 25 ते 29 ऑक्टोबर दरम्यान जाण्यासाठी परवानगी मागितली होती. यापूर्वी थायलंडला जाण्याची त्यांची विनंती देखील नाकारण्यात आली होती.

उद्योजक दीपक कोठारी यांनी त्यांच्यावर 60 कोटी रुपये गुंतवणुकीच्या नावाखाली घेऊन वैयक्तिक खर्चासाठी वापरल्याचा आरोप केला आहे. न्यायालयाने आमंत्रण पत्राची विचारणा केली असता, केवळ फोनद्वारे आमंत्रण मिळाल्याचे वकिलांनी सांगितले. यावर न्यायालयाने आमंत्रणाची पडताळणी करण्याची तयारी दर्शवली, परंतु याबाबत समाधानकारक उत्तर न मिळाल्याने पुढील सुनावणी 14 तारखेला होणार आहे.