Jyoti Waghmare | उबाठा गटाची हीच मानसिकता…शिंदे गटाची ताकद वाढल्याने…ज्योती वाघमारे संतापल्या; केली सडकून टीका!

शिवसेना शिंदे गटाच्या खासदार ज्योती वाघमारे यांनी माध्यमांशी संवाद साधताना शिवसेना ठाकरे उबाठा गटावर जोरदार टीका केली आहे. त्यांनी उपमुख्यमंत्री एकनाथ शिंदे यांच्या नेतृत्वाखाली शिवसेनेची वाढती ताकद पाहून विरोधक अस्वस्थ झाल्याचा आरोप केला.
वाघमारे म्हणाल्या की, “ज्यांना वास्तव स्वीकारण्याची क्षमता नसते, ते इतरांच्या यशामुळे अस्वस्थ होतात. उबाठा गटाची हीच मानसिकता असून त्यांची भूमिका आता पूर्णपणे नकारात्मक झाली आहे.” त्यांनी पुढे आरोप करत म्हटले की, पूर्वी मंत्रीमंडळात असताना बच्चू कडू यांचे कौतुक करणारे नेते, ते शिवसेनेसोबत आल्यानंतर त्यांच्यावर टीका करू लागले, हे दुटप्पीपणाचे लक्षण असल्याचे त्यांनी नमूद केले.
या वक्तव्यामुळे राज्याच्या राजकारणात पुन्हा एकदा आरोप-प्रत्यारोपांची मालिका सुरू झाली असून, सत्ताधारी आणि विरोधकांमधील वाद अधिक तीव्र होण्याची शक्यता व्यक्त केली जात आहे.