Shreyas Iyer : श्रेयस अय्यरला गंभीर दुखापत, सिडनीत ICU मध्ये दाखल, सध्या प्रकृती कशी? कमबॅक उशिरानं?

क्रिकेटर श्रेयस अय्यरला ऑस्ट्रेलियाविरुद्धच्या सामन्यात कॅच झेलताना गंभीर दुखापत झाली असून त्याला सिडनी येथील रुग्णालयात आयसीयूमध्ये दाखल करण्यात आले आहे. ऑस्ट्रेलियाविरुद्धच्या तिसऱ्या वनडे सामन्यात ॲलेक्स कॅरीचा अप्रतिम झेल घेताना अय्यरला ही दुखापत झाली.

बॅकवर्ड पॉईंटवरून धावत येऊन त्याने झेल टिपला, मात्र त्यानंतर त्याचा तोल जाऊन त्याच्या बरगडीला गंभीर दुखापत झाली. दुखापतीमुळे अंतर्गत रक्तस्त्राव झाल्याने त्याला तातडीने रुग्णालयात दाखल करण्यात आले. सध्या त्याच्यावर उपचार सुरू असून, अंतर्गत रक्तस्त्राव पसरू नये म्हणून पुढील पाच ते सात दिवस त्याला डॉक्टरांच्या निरीक्षणाखाली ठेवले जाणार आहे.

मिळालेल्या माहितीनुसार, श्रेयस अय्यरची प्रकृती सध्या स्थिर आहे. या गंभीर दुखापतीतून पूर्णपणे बरे होण्यास त्याला बराच वेळ लागणार असल्याने, तो पुन्हा कधी क्रिकेटच्या मैदानावर परतणार याबद्दल निश्चित माहिती समोर आलेली नाही. क्रिकेटप्रेमींनी श्रेयस अय्यरच्या लवकरात लवकर बरे होण्यासाठी प्रार्थना करण्यास सुरुवात केली आहे. टीव्ही नाईन मराठीच्या ब्युरो रिपोर्टनुसार, ही माहिती समोर आली आहे.