Shrikant Shinde On Jarange Patil : जरांगेंना जो प्रश्न पडलाय, तोच मलाही..; श्रीकांत शिंदेंची प्रतिक्रिया आली समोर, पुढे म्हणाले…

गेल्या काही दिवसांपासून महाराष्ट्राच्या राजकारणात गाजत असलेल्या ५०० कोटी रुपयांच्या आरोपांवर खासदार श्रीकांत शिंदे यांनी अखेर आपली पहिली प्रतिक्रिया दिली आहे. “जरांगे पाटलांना जो प्रश्न पडलाय, तोच मलाही पडला आहे,” असे शिंदे यांनी माध्यमांशी बोलताना सांगितले. या प्रकरणी ते स्वतः दोन दिवसांपासून संशोधन करत असून, ज्यांच्याकडे पैसे पाठवले असे बोलले जात आहे, तो व्यक्ती अजूनही सापडलेला नाही, असेही त्यांनी नमूद केले.

दसरा मेळाव्यातून या आरोपांची सुरुवात झाल्याचे बोलले जात आहे. या संपूर्ण प्रकरणाची सत्यता पडताळण्यासाठी उपमुख्यमंत्री देवेंद्र फडणवीस यांनी विशेष तपास पथक (SIT) स्थापन करण्याचे निर्देश दिले आहेत. श्रीकांत शिंदे यांनी जोर देत सांगितले की, “मी स्वतः या ५०० कोटींच्या संदर्भात शोध घेत आहे. मला काही कळल्यास मी सांगणार आणि तुम्हाला कळल्यास तुम्ही सांगा.” या प्रतिक्रियेमुळे ५०० कोटींच्या कथित गैरव्यवहाराचे प्रकरण पुन्हा एकदा चर्चेत आले आहे.