Supriya Sule : शरद पवारांनी मुख्यमंत्र्यांना लिहिली दोन पत्रं; सुप्रिया सुळे नेमकं काय म्हणाल्या?

ऊस उत्पादक शेतकऱ्यांच्या किमान आधारभूत किंमती (एफआरपी) वाढवण्याच्या मागणीवरून सरकार गंभीर नसल्याचे मत सुप्रिया सुळे यांनी व्यक्त केले आहे. शेतकऱ्यांच्या अनेक वर्षांपासूनच्या मागण्या प्रलंबित असताना सरकारकडून केवळ समित्यांची स्थापना केली जात असल्याबद्दल त्यांनी प्रश्नचिन्ह उपस्थित केले.

सुळे म्हणाल्या की, ऊस उत्पादक शेतकरी किमान दर बदलण्याची आणि एफआरपी वाढवण्याची मागणी गेल्या पंधरा ते वीस वर्षांपासून करत आहेत. मात्र, आता राजू शेट्टी रस्त्यावर उतरून आंदोलन करत असताना, सरकारने घाईघाईने एक समिती स्थापन करण्याची घोषणा केली आहे. हे केवळ आंदोलन दडपण्यासाठी आणि तात्पुरती मलमपट्टी करण्यासाठी केले जात आहे, अशी टीका त्यांनी केली. सरकारची शेतकऱ्यांप्रती कोणतीही इच्छाशक्ती नसल्याचे यातून स्पष्ट होते. ज्या शेतकऱ्यांमुळे हे जग चालते आणि जो कष्ट करून अन्नधान्याचा प्रश्न सोडवतो, त्याच शेतकऱ्यांचे कंबरडे मोडण्याचे पाप सध्याच्या सरकारच्या धोरणांमधून दिसत आहे. सरकारच्या या दृष्टिकोनातून त्यांची शेतकऱ्यांप्रतीची नियत स्पष्ट होते, असेही सुळे यांनी नमूद केले.