Suresh Dhas | सुरेश धस यांनी शिव्या का दिल्या? अखेर कार्यालयाकडून मोठं स्पष्टीकरण

आमदार सुरेश धस यांची कथित शिवीगाळ करणारी ऑडिओ क्लिप सोशल मीडियावर व्हायरल होत असल्याची माहिती समोर आली आहे. या क्लिपमध्ये सुरेश धस यांचा आवाज असल्याचा दावा केला जात आहे. मात्र, या व्हायरल ऑडिओ क्लिपची टीव्ही9 मराठी पुष्टी करत नाही.

दरम्यान, या प्रकरणावर सुरेश धस यांच्या कार्यालयाकडून स्पष्टीकरण देण्यात आले आहे. व्हायरल होत असलेली ऑडिओ क्लिप ही सुरेश धस यांची असल्याचा दावा फेटाळून लावत, त्यांच्या बदनामीचा कट रचला जात असल्याचा आरोप कार्यालयाकडून करण्यात आला आहे.

सुरेश धस यांच्या कार्यालयाच्या म्हणण्यानुसार, सोशल मीडियावर व्हायरल होत असलेल्या या क्लिपच्या माध्यमातून आमदार सुरेश धस यांची प्रतिमा मलिन करण्याचा प्रयत्न केला जात आहे. त्यामुळे या ऑडिओ क्लिपच्या सत्यतेबाबत प्रश्नचिन्ह उपस्थित झाले आहे.

दरम्यान, ऑडिओ क्लिप नेमकी कुठून समोर आली, त्यामधील आवाज कोणाचा आहे आणि हा प्रकार खरोखरच सुरेश धस यांच्या बदनामीसाठी करण्यात आला आहे का, याबाबत अद्याप अधिकृत आणि स्वतंत्र पुष्टी झालेली नाही. त्यामुळे सोशल मीडियावर व्हायरल होणाऱ्या या क्लिपवर विश्वास ठेवण्यापूर्वी तिची सत्यता तपासणे महत्त्वाचे ठरणार आहे.