Ranjitsinh Nimbalkar : भाजप माजी खासदार निंबाळकर पुन्हा वादाच्या भोवऱ्यात! आरोपांची मालिका…आतापर्यंत किती वेळा आले गोत्यात?
फलटणमधील महिला डॉक्टरच्या मृत्यूनंतर माजी खासदार रणजितसिंह निंबाळकर यांच्यावर अनेक आरोप झाले आहेत. यापूर्वीही ननावरे दाम्पत्याच्या आत्महत्येसह, उद्योगपती आगवणे यांच्याशी आर्थिक वाद आणि ऊसतोड मुकादमांवरील आरोपांमुळे ते चर्चेत होते. मात्र, निंबाळकरांनी हे सर्व आरोप फेटाळून लावले आहेत
माजी भाजप खासदार रणजितसिंह नाईक निंबाळकर यांच्यावर विविध प्रकरणांमध्ये वारंवार आरोप होत आहेत, ज्यात फलटणमधील एका महिला डॉक्टरच्या मृत्यूचाही समावेश आहे. या प्रकरणात मुख्यमंत्री देवेंद्र फडणवीस यांनी त्यांना क्लीनचिट दिली असली तरी, निंबाळकरांवरील आरोपांची मालिका मोठी आहे. १ ऑगस्ट २०२३ रोजी उल्हासनगरमध्ये ननावरे दाम्पत्याने आत्महत्या करण्यापूर्वी एका व्हिडिओमध्ये रणजितसिंह नाईक निंबाळकर यांचे नाव घेतले होते.
या घटनेनंतर धनंजय ननावरे यांनी कारवाईच्या मागणीसाठी टोकाचे पाऊल उचलले. मात्र, नंतर निंबाळकरांच्या वकिलांनी खासदार रणजितसिंह नाईक निंबाळकर हे ते व्यक्ती नसल्याचे स्पष्ट केले आणि धनंजय ननावरे यांनीही प्रतिज्ञापत्र दिले. याशिवाय, फलटणमधील उद्योजक दिगंबर आगवणे यांच्याशी असलेल्या आर्थिक वादामुळेही निंबाळकर चर्चेत होते. आगवणे कुटुंबावर फसवणुकीसह विविध २८ गुन्हे दाखल झाले, तर त्यांच्या मुलीने आत्महत्येचा प्रयत्न केला.
निंबाळकरांनी आगवणे यांच्याकडे ७ कोटी रुपये येणे असल्याचा दावा केला, तर आगवणेंनी खासदार निंबाळकरांवर ३.४० कोटींची थकबाकी असल्याचा आरोप केला. ऊसतोड मुकादमांकडून जास्तीचे पैसे वसूल करणे आणि खोटे गुन्हे दाखल करणे असेही आरोप त्यांच्यावर झाले आहेत. मात्र, रणजितसिंह निंबाळकर यांनी हे सर्व आरोप सातत्याने फेटाळले आहेत.
Published on: Oct 30, 2025 10:52 AM
अण्णा हजारे विद्यार्थ्यांसाठी मैदानात, उद्या आंदोलन करणार
हे आंदोलन तर बेजबाबदारपणा, एकनाथ शिंदेंची राहुल गांधींवर टीका; म्हणाले
देशाची बदनामी होऊ नये याचा विचार करा, CM फडणवीसांचे आंदोलकांना आवाहन
आम्हाला कोणतेही व्हिडिओ पाहायचे नाहीत; जंतर-मंतर लाठीचार्ज प्रकरणावर..
