TMC : ठाकरे सेना अन् मनसेच्या महामोर्चानंतर ठाणे पालिका आयुक्तांचा दणका, वादग्रस्त निवडणूक अधिकाऱ्यांची उचलबांगडी

मनसे आणि ठाकरे सेनेच्या वतीने ठाण्यामध्ये काढण्यात आलेल्या महामोर्चानंतर पालिका प्रशासनाने अखेर कारवाई करत वादग्रस्त अधिकारी सचिन बोरसे यांची बदली केली आहे. पालिका आयुक्तांनी दिलेला हा पहिला दणका मानला जात आहे. सचिन बोरसे यांच्याकडून निवडणूक विभागाचा कार्यभार काढून घेण्यात आला असून, त्यांची जागा आता कार्यालयीन अधीक्षक बाळू पिचड घेणार आहेत.

मनसे आणि ठाकरे पक्षाने ठाण्यात काढलेल्या मोर्च्यात अनेक महानगरपालिका अधिकाऱ्यांवर गंभीर स्वरूपाचे ठपका ठेवले होते. महानगरपालिकेत अनेक कामे चुकीच्या पद्धतीने होत असल्याचा आरोप मोर्चेकऱ्यांनी केला होता. विशेषतः, सचिन बोरसे यांच्यावर दुबार नावे आणि इतर निवडणूक संबंधित तक्रारी योग्य प्रकारे न हाताळल्याचा आरोप होता.

अनेक वेळा तक्रारी करूनही त्या समस्यांचे निराकरण केले जात नव्हते, अशी मोर्चेकऱ्यांची प्रमुख मागणी होती. याच तीव्र मागणीचा आणि मोर्च्याचा परिणाम म्हणून पालिका आयुक्तांनी हा महत्त्वपूर्ण निर्णय घेतला असल्याचे दिसते. आता निवडणूक विभागाची महत्त्वपूर्ण जबाबदारी बाळू पिचड यांच्याकडे सोपवण्यात आली आहे. या प्रशासकीय बदलीमुळे महानगरपालिकेच्या कामकाजात अधिक पारदर्शकता आणि कार्यक्षमता येण्याची अपेक्षा व्यक्त केली जात आहे.