Ahmednagar मधील अज्ञात व्यक्तीकडून Rupali Chakankar यांना जीवे मारण्याची धमकी-TV9

मुंबई : राष्ट्रवादीच्या नेत्या आणि राज्य महिला आयोगाच्या (State Women Commission) अध्यक्षा रुपाली चाकणकर (rupali chakankar) यांना जीवे मारण्याची धमकी देण्याची धक्कादायक माहिती समोर आली आहे. एका अज्ञात व्यक्तीने धमकीचे पत्र (threatened call) पाठवून चाकणकर यांना पुढील 24 तासात जीवे मारू अशी धमकी दिली होती. त्या धमकीमुळे राज्यात खळबळ माजली आहे. रुपाली चाकणकर यांनी महिला आयोगाचा कारभार हाती घेतल्यानंतर कामाचा धडाका लावला होता. तर त्यांनी अनेक नेत्यांना राज्य महिला आयोगाचा दणका दाखवला होता. त्यानंतर असे धमकीचे फोन आल्याने चाकणकर यांनी सिंहगड रस्ता पोलीस ठाण्यात सदर व्यक्ती विरोधात तक्रार दिली आहे.

राज्यात महिलांच्या बाबतीत काही घडले आणि त्याची तक्रार जर राज्य महिला आयोगाकडे गेल्यास रुपाली चाकणकर स्वत: लक्ष घालत होत्या. अशातच रुपाली चाकणकर यांना जीवे मारण्याची धमकी देण्याचा फोन कॉल आल्याची धक्कादायक घटना समोर आली आहे. त्यात रुपाली चाकणकर यांना पुढच्या 24 तासांत जीवे मारु, असा धमकीचे पत्र पाठवले होते आहे. हा फोन महिला आयोगाच्या कार्यालयात आलेला होता. रुपाली चाकणकर यांना अशा धमकीचा फोन पहिल्यांदाच आलेला नाही.