Vijay Thalapathy Rally Stampede : तामिळनाडूच्या करूरमध्ये भयंकर चेंगराचेंगरी, थलपतीच्या रॅलीत घडलं काय? 39 मृत्यू तर…

तामिळनाडूच्या करूरमध्ये अभिनेता आणि नुकताच राजकारणात प्रवेश केलेल्या विजय थलपतीच्या रॅलीत मोठी चेंगराचेंगरी झाली. या हृदयद्रावक दुर्घटनेत 39 जणांचा मृत्यू झाला असून, 50 हून अधिक लोक गंभीर जखमी झाले आहेत. मृतांमध्ये तीन लहान मुलांचाही समावेश आहे, ज्यामुळे या घटनेची तीव्रता अधिक वाढली आहे. जखमींवर करूर रुग्णालयात उपचार सुरू आहेत. या दुर्घटनेनंतर पंतप्रधान नरेंद्र मोदी आणि तामिळनाडूचे मुख्यमंत्री एम. के. स्टॅलिन यांनी तीव्र शोक व्यक्त केला आहे.

मुख्यमंत्री स्टॅलिन यांनी मृतांच्या कुटुंबीयांना प्रत्येकी 10 लाख रुपयांची आर्थिक मदत जाहीर केली आहे. थलपती विजयनेही ट्विट करत आपल्या भावना व्यक्त केल्या आणि जीव गमावलेल्या कुटुंबीयांप्रती संवेदना व्यक्त केली. या संपूर्ण घटनेची सखोल चौकशी करण्याचे आदेश देण्यात आले आहेत. रॅलीला मिळालेल्या प्रचंड प्रतिसादादरम्यान ही दुर्दैवी घटना घडल्याने सर्वत्र हळहळ व्यक्त होत आहे.