Thackeray vs Fadnavis : कफनचोर vs चोरांचे सरदार… आजी-माजी मुख्यमंत्री भिडले, मंत्र्यांविरोधात आंदोलनावरून शाब्दिक चकमक

सरकार विरोधात आंदोलनातून उद्धव ठाकरेंनी मुख्यमंत्र्यांना थेट चीफ मिनिस्टर आणि चोरांचा सरदार असं म्हटलंय. मंत्री संजय शिरसाट, मंत्री माणिकराव कोकाटे, गृहराज्यमंत्री योगेश कदम यांच्या राजीनाम्याच्या मागणीसाठी स्वतः उद्धव ठाकरे सुद्धा शिवाजी पार्क परिसरात आंदोलनात उतरले आणि मुख्यमंत्री देवेंद्र फडणवीस यांना थीफ मिनिस्टर म्हणत चोरांचा सरदार अशी त्यांनी टीका केली. संजय शिरसाट यांच्या पैशाच्या बॅगेचा व्हिडिओ असेल विधानपरिषदेत कोकाटे यांच्या रमी खेळतानाचा व्हिडिओ असेल की गृहराज्यमंत्री योगेश कदम यांच्या आईच्या नावावर असलेल्या बारमध्ये पोलिसांनीच टाकलेल्या धाडीत सापडलेल्या 22 बार बाला असोत… तीनही प्रकरणांमध्ये विरोधक राजीनाम्यासाठी आक्रमक झालेत. पण कोकाटेंचं खाते बदलून आणि शिरसाट, योगेश कदमांना समज देऊन मंत्र्यांना माफी देण्यात आली आहे. आता उद्धव ठाकरेंची शिवसेना जनक्रोश आंदोलनाच्या माध्यमातनं रस्त्यावर उतरल्याचे पाहायला मिळाले. बघा कशी झाली शाब्दिक चकमक?