Uddhav Thackeray : कोकाटे यांच्यानंतर आणखी एका मंत्र्याचा राजीनामा होणार, ‘मातोश्री’वरून ठाकरे यांचा दावा, रोख कुणावर?

शिवसेना (उद्धव बाळासाहेब ठाकरे गट) पक्षप्रमुख उद्धव ठाकरे यांनी महाराष्ट्रातील सध्याच्या सरकारवर तीव्र शब्दांत हल्ला चढवला आहे. एका मंत्र्याने राजीनामा दिल्यानंतर आणखी एक मंत्री लवकरच पायउतार होईल, असा दावा त्यांनी केला. महाराष्ट्रात आणि देशात अंधाधुंद कारभार सुरू असल्याचा आरोप त्यांनी केला, ज्यामुळे समाजाला गंभीर परिणाम भोगावे लागत आहेत. ठाकरे यांनी सत्ताधाऱ्यांवर राजकारणासाठी चुकीच्या लोकांचा वापर करत असल्याचा ठपका ठेवला.

अंमली पदार्थांच्या व्यवहारात गुंतलेल्या लोकांचाही यात समावेश असल्याकडे ठाकरेंनी लक्ष वेधले. ठाण्यातील एका व्यक्तीचे नाव अंमली पदार्थांच्या कारखान्याशी जोडले जात असतानाही, मुख्यमंत्री त्यावर कोणतीही दखल घेण्यास तयार नसल्याचे त्यांनी सांगितले. गृहमंत्री आणि केंद्रीय मंत्र्यांकडे याबाबत निवेदन दिले असून, त्यांच्याकडून काय कारवाई होते हे पाहणे महत्त्वाचे आहे. जनतेला आवाहन करताना उद्धव ठाकरे यांनी विचारले की, नशिल्या पदार्थांच्या आहारी जाणाऱ्या आपल्या मुलांना वाचवण्यासाठी आपण काय करणार? अशा धंदेवािकांना पाठिंबा देणार का? असा प्रश्न त्यांनी उपस्थित केला. महाराष्ट्राच्या भवितव्यासाठी जनतेने योग्य विचार करावा, असे आवाहन त्यांनी केले.